Bewerbungsservices
Vischnaunca Trun
La vischnaunca da Trun enquera per l’entschatta november 2025 ni tenor cunvegnientscha in/ina
Collaboratur/a per il menaschi tecnic
Vossas incumbensas
- Lavurs da manteniment vid vias e stabiliments communals
- Lavurs da manteniment vid sendas ed infrastructura turistica
- Survetsch d’unviern cun rumir neiv
- Segidar vid la tgira d’uaul
- Survetsch da pichet duront temps d’unviern
Vies profil
- Emprendissadi serrau giu sco mistergner (miradur, lennari, hortulan etc.)
- Inschign per maschinas e vehichels
- Habilitad da luvrar en team e sur sesez
- Promtadad da s’engaschar ordeifer il temps da lavur usitau
- Permissiun dad ir cun auto cat. B
Nossa purschida
- Plazza varionta e multifara
- Emperneivel ambient da lavur
- Modern parc da maschinas
- Pusseivladad da sescolar vinavon
- Paga adequata
Arbeitsort: 7166Trun
Per ulteriur sclariment saveis Vus prender si contact cun il cau dil stradalesser Albert Spescha 081 920 20 45, ni cun il selvicultur Carlo Monn 081 920 20 46.
Havein nus svegliau Vies interess? Lu termetti Voss’annunzia entochen ils 31 d’uost 2025
- per e-mail: sandra.gautschi@trun.ch
- Per posta: Suprastonza communala Trun, «plazza menaschi tecnic», Via Dulezi 1, 7166 Trun